Cebuano News: Pasalig sa DOH: Luwas ug epektibo ang bakuna

Gipasalig sa DOH nga ang bakuna, apil sa pagsuot og face mask ug face shield, paghugas sa kamot, pag-distansya og 1 ka metro, ug hapsay. (DOH/PIA7-Bohol)

TAGBILARAN CITY, May 18 (PIA) -- Gi-klaro sa Department of Health (DOH) ang nagtuyok nga kard nga nag-ingon nga ang pagbakuna makaingon sa ‘massive depopulation.’

Giseguro sa DOH nga ang mga bakuna batok sa coronavirus disease (COVID-19) luwas ug epektibo.

Matud pa sa ahensya sa panglawas nga walay kamatuoran nga ang pagpabakuna makamatay o makaapekto sa kinatibuk-ang panglawas sa usa  ka tawo.

Gipasalig sa DOH nga ang bakuna, apil sa pagsuot og face mask ug face shield, paghugas sa kamot, pag-distansya og 1 ka metro, ug hapsay nga pag-agos sa hangin ang epektibong paagi aron mabatokan ang COVID-19.

Gitambagan usab sa buhatan ang publiko nga batasanon ang pagsusi sa saktong impormasyon ug sa mga may kredibilidad o lehitimong tinubdan. (ecb/PIA7-Bohol)



Source: Philippines Information Agency (pia.gov.ph)

Post a Comment

0 Comments