Cebuano News: Paggamit sa TIN Verifier Mobile Application, gi-awhag sa BIR

Ang TINver app usa  ka alternative service channel alang sa mga magbubuhis nga ipadala ang online TIN validation ug TIN inquiry gamit ang mobile phones sa mga oras sa tingtrabaho, Lunes hangtod Biyernes, gikan alas 8:00 sa buntag taman alas 5:00 sa hapon. (BIR/PIA7-Bohol)

TAGBILARAN CITY, May 26 (PIA) -- Karong panahon sa pandemya, ang Bureau of Internal Revenue (BIR) mi-awhag sa mga magbubuhis nga gustong mag-inquire o validate sa ilang Taxpayer Identification Number (TIN) sa paggamit sa TIN Verifier (TINver) Mobile App sa buhatan imbes nga personal pang moadto sa BIR district office.

Ang TINver app usa  ka alternative service channel alang sa mga magbubuhis nga ipadala ang online TIN validation ug TIN inquiry gamit ang mobile phones sa mga oras sa tingtrabaho, Lunes hangtod Biyernes, gikan alas 8:00 sa buntag taman alas 5:00 sa hapon.

Ang TIN validation alang sa mga magbubuhis nga may kopya na sa ilang TINs ug gusto lamang nilang e-verify ang ilang TINs samtang ang TIN inquiry alang sa mga magbubuhis nga nakalimot sa ilang TINs. 

Aron magmalamposon ang pag-validate/inquire, ang mobile app mangayo sa user sa pagbutang sa ilang kumpletong pangalan, birthdate, address, civil status ug pangalan sa kapikas (kun applicable), ug sa pagkuha og selfie o hulagway kauban sa balidong government-issued ID.

Ang pagmugna sa TINver app parte sa nagpadayong paningkamot sa BIR ubos sa ilang digital transformation program. Opisyal kining gilusad pinaagi sa pagpagawas sa Revenue Memorandum Circular (RMC) 13-2021 niadtong Enero 27 ning tuig.

Ang TINver app available nga ma-download pinaagi sa Google Play Store alang sa mga Android users. Sa dili madugay, mahimong available na usab kini sa App Store alang sa iOS users.

Pagkat-on unsaon paggamit sa app pinaagi sa pagbisita sa https://ift.tt/3hSkLNL. Ang mga magbubuhis nga walay akses sa mobile service mahimo gihapon nga mag- inquire/validate sa ilang TINs sa mga Revenue District Offices sa buhatan. (ecb/PIA7-Bohol)

 



Source: Philippines Information Agency (pia.gov.ph)

Post a Comment

0 Comments