Cebuano News: Pagbakuna sa mga kabos, sagradong katungdanan sa gobyerno – Duterte

Caption

MANILA, May 19 (PIA) -- Giinsister ni Presidente Rodrigo Roa Duterte nga prayoridad sa gobyerno sa pagbakuna batok COVID-19 ang mga kabos.

Kini matud pa ang sagradong katungdanan sa gobyerno ilabi pa kun masakit ang mga kabos nga walay pangpalit og tambal.

“They are always at the mercy of their poverty. So it is the sacred duty of government to look after them first,” pahayag pa ni Duterte atol sa iyang pakighinabi sa katawhan niadtong Lunes sa gabii, Mayo 17, 2021.

Sa pagkakaron, may 7.7 milyong doses na sa COVID-19 vaccine ang Pilipinas.

Kapin sa 3 milyong Pilipino na usab ang nabakunahan batok COVID-19.

Base sa priority list sa gobyerno, ang mga kabos ug low income families ika-lima sa listahan nga nagsunod sa mga health workers, senior citizens, may comorbidities ug economic frontliners.

Samtang miapelar si Presidente Duterte sa publiko nga dili na mamili o dili mahimong ‘choosy’ sa brand sa mga bakuna batok COVID-19.

Matud pa niini nga kun unsa ang bakunang naa sa ilang atubangan, angay nga dawaton na kini ug dili na mamili pa.

Pasabot pa sa Presidente, tanang bakuna nga naa sa Pilipinas luwas ug epektibo.

Apil sa mga bakuna nga naa karon sa Pilipinas mao ang Sinovac, Pfizer, AstraZeneca ug Sputnik V. (ecb/PIA7-Bohol)



Source: Philippines Information Agency (pia.gov.ph)

Post a Comment

0 Comments