Cebuano News: Graduation sa public elem schools, gitakda sa Hulyo 12 hangtod 16

TAGBILARAN CITY, May 25 (PIA) -- Nagpagawas na og eskedyul ang Department of Education (DepEd) alang sa graduation ug moving up rites sa mga estudyante sa nasod.

Base sa DepEd Memorandum No. 027, s. 2021, mahimong ipahigayon ang end-of-school-year rites sa mga naa sa Kindergarten, Grade 6, 10 ug 12 sa Hulyo 12 hangtod 16 human sa school year end sa Hulyo 10.

Nakalatid usab sa maong memorandum nga naa na sa desisyon sa mga pribadong eskwelahan ang pagpahigayon og graduation rites base sa ilang school calendars.

Gimando usab sa maong memo nga ang 2021 EOSY rites, nakatutok sa tema nga “Kalidad ng Edukasyon Lalong Patatagin sa Gitna ng Pandemya” (Strengthening the Quality of Education Amid the COVID-19 Pandemic).

Kini agi og pagtugbaw nga taliwala sa mga hagit, ang katungod sa mga learners sa inclusive ug quality education, ug seguridad gikan sa health risks sa COVID-19 ang hatagan og prayoridad.  (ecb/PIA7-Bohol)



Source: Philippines Information Agency (pia.gov.ph)

Post a Comment

0 Comments