Cebuano News: 55 DOLE-TUPAD nga mga benepisyaryo mipa-ilalom og dengue orientation

MAASIN CITY, May 20 (PIA) -- Sa kinatibuk-an nga 55 ka mga benepisyaryo sa Tulong na Panghanapbuhay sa Ating Disadvantaged Worker  o (TUPAD) nagpa-ilalom sa dengue orientation diin sila magpahigayon og mga kalihokan sulod sa 30 ka adlaw sa pagpangita, pagpuhak sa mga lugar nga itloganan sa mga lamok aron sa pagresponde sa mga panghitabo sa dengue.

Gipangunahan sa Department of Labor and Employment – Southern Leyte sa pakig-koordinalsyon sa Maasin City Anti-Drug Abuse Council og Public Employment Service Office, gipahigayon ang usa ka adlaw nga dengue orientation kaniadtong Mayo 18, 2021 sa Liga Building sa Combado, siyudad sa Maasin.

Ang nahisgotang mga TUPAD benepisyaryo mga graduwet gikan sa Community-Based Rehabilitation Program og Program Renewal Recovering from Drugs (PRRD).

Ang matag usa kanila makadawat og tag-P315 matag adlaw gikan sa nahisgotan nga programa.

Ang TUPAD usa sa mga flagship nga programa sa DOLE Integrated Livelihood and Emergency Employment Program. (ldl/esg/PIA SoLeyte)



Source: Philippines Information Agency (pia.gov.ph)

Post a Comment

0 Comments