Cebuano News: 3.1 milyones na ang nabakunahan: Taho sa NVOC, Mayo 17

TAGBILARAN CITY, Bohol, May 19 (PIA) -- Hangtud sa Mayo 17, 2021, ming-abut na sa 3.1 milyones ang kinatibuk-an nga mga Pinoy nga nakadawat sa bakuna sa una ug sa ikaduha nga tupokan.

Segun sa National COVID-19 Vaccination Operations Center alang sa Philippine COVID-19 Vaccination Deployment and Vaccination Campaign sa taho niini Mayo 17 sa may alas 6:00 sa hapon, kinatibuk-an nga 2,363,798 na ang nakakuha sa unang tupokan, samtang miabut na sa 751, 285 na ang nakakuha sa ikaduha nga tupokan aron kompletohon naang ilang panalipud batok sa COVID.

Niini, 1,224,726 na ka trabahante nga anaa sa frontline health ug medical services and nakakuha sa unang dose samtang miabut na sa 433,631 ang health care workers nga anaa sa frontline ang nakakompleto na sa ika duha nga dose sa bakuna.

Sa mga senior citizens o kadtong anaa sa ikaduha nga Priority Group, 642,873 na ang nakahuman sa una nga dosage samtang 98,963 na ka senior citizens ang nakakompleto na sa ilang panalipod batok sa gikaintapan nga sakit.

Alang sa mga katawhan nga may mga gipangbati nga daan nga sakit o individuals with comorbidities nga naa sa Priority Group 3, mikabat na sa 487,222 na ang may una nga  tupokan samtang 219,509 na ang natupokan sa maka duha human sa labing menos usa  ka buwan nga lat-ang gikan sa unang tupokan.

Sa Priority Group A4, o mga lumilihok nga anaa sa essential sectors, segun sa NVOC, 8,977 na ang nakakuha sa unang dose samtang may 192 na ang nakakuha sa ikaduha nga dose.

Sa mga nahadlok pa nga bakunahan tungod sa sayop nga kasayuran sa mga bakuna nga ihatag, mismo ang mga frontline health workers ang nagpakita nga 79.49 na sa kinatibuk-an mga health frontliners nga anaa sa masterlist ang nabakunahan.

Niini nga kadaghanon, 1728,311 ang nabakunahan sa Sinovac, 492,047 ang nakakuha sa AstraZeneca,  1,278 ang natupokan sa Sputnik-Gamaleya ug 3,090 ang nakakuha sa Pfizer Vaccine. (rahc/PIA-7/Bohol)      



Source: Philippines Information Agency (pia.gov.ph)

Post a Comment

0 Comments