Cebuano News: 100 abaca farmers sa Maasin City makadawat og ayuda gikan sa PhilFIDA

MAASIN CITY, May  21  (PIA) – Mokabat og 100 ka mga abaca farmers sa Maasin City makadawat og benepisyo gikan sa Philippine Fiber Industry Development Authority (PhilFIDA), ang kanhi FIDA, alang sa dugang suporta sa pagpahi-uli sa industriya sa abaca sa siyudad sa Maasin.

Sumala facebook post ni Maasin City Mayor Nacional Mercado, ang maong mga mag-uuma makadawat og mga benepisyo gikan sa Climate-Smart Field School on Abaca Production Technology ubos sa Abaca Plantation sa Coconut nga prohekto pinaagi sa pagpanguna sa buhatan sa PhilFIDA.

Atol sa gipahigayon nga paglusad sa maong programa, usa  ka Memorandum of Agreement (MOA) ang gipirmahan tali sa PhilFIDA og sa Maasin City LGU nga gipangunahan ni Mayor Mercado og Provincial Governor Damian Mercado.

Ang maong kasabotan naglakip usab sa mga gika-igo-an nga pag-establisar og 100 ka hektarya nga plantasyon sa abaca, dugang pahayag ni Mercado.

Ang maong prohekto naglangkob og upat ka mga barangay -- Tigbawan, Basak, Lonoy og Canyu-om -- pulos mga sakop sa siyudad sa Maasin, dugang tahu nakutlo sa maong fb post. (ldl/esg/PIA SoLeyte)

 



Source: Philippines Information Agency (pia.gov.ph)

Post a Comment

0 Comments