7-14 days home quarantine sa primary contact sa COVID-19

MISAMIS ORIENTAL, May 19 -- Gipasabot ni Provincial Inter-Agency Task Force Chief Dr. Jerie Calingasan ngadto sa mga empleyado sa Kapitolyo Probinsyal nga kinahanglan ipadayon ang 7 ngadto sa 14 ka adlaw nga pag home quarantine kung adunay nagpositibo sa COVID-19 sulod sa ilang panimalay.

Kini tungod kay sila giisip nga primary contact nga kinahanglan monitoron tungod sa dakong posibilidad nga sila mataptan sa maong virus.
“If primary contact ka, naa sa inyong balay ang positive, you have to continue your home quarantine 7-14 days depending upon the advice of the BHERT," matud ni PIATF Chief Dr. Calinagsan.

Dugang pahimangno niini nga mas pahugtan ang pag-monitor sa Influenza like Illness kon ILI ug uban pang mga senyales ug sintomas sa COVID-19.

“Heightened active surveillance on ILI and other signs and symptoms of COVID. I’ve been telling you nga cough, colds and fever today is not normal. It is very abnormal if you have this today because we still have the pandemic." dugang sulti niini.

Niining padayon ang pagtaas sa kaso sa COVID-19 sa nasud wala mapakyas ang panggamhanan sa probinsya ubos sa pagdumala ni Governor Bambi Emano uban ni Dr. Jerie Calingasan sa paghatag og pahimangno sa katawhan nga kanunay sundon ang mga gabayan kay usa lamang kini sa bugtong nga paagi aron malikayan ang pagkuyanap sa makatakod ug makapatay nga virus. (PIO Misamis Oriental)



Source: Philippines Information Agency (pia.gov.ph)

Post a Comment

0 Comments