Upat ka abaca plant nurseries tukuron karong tuiga – OCAS

MAASIN CITY, April 23  (PIA) --  Kabahin sa mga paningkamot sa pagpahibalik sa industriy sa abaca sa siyudad sa Maasin, upat ka bag-ong abaca plant nurseries ang pagatukoron karong tuiga.

Sumala kang Office of the City Agricultural Services (OCAS) Officer in Charge Virgilia Barrientos, tungod sa ka nihit sa mga planting materials alang sa pagpatubo og balik sa tanom nga mga abaca, gika-igo-an nga tukuron ang mga edipisyo diin ipahigayon ang pag-andam sa mga igtatanom  nga mga abaca seedlings.

Matud niya adunay upat ka mga barangay ang gitumbok nga pagatukoran  ingon nga abaca plant nurseries sa mosunod, Tigbawan, Baugo, San Agustin og Malapoc Norte, ang tanan pulos sakop sa siyudad sa Maasin.

Pinaagi sa pagpanguna ni Maasin City Mayor Nacional Mercado, ang siyudad sa Maasin naggahin og pundo gikan sa iyang Economic Development Fund alang sa pagtukod sa maong gitumbok nga mga abaca plant nurseries.

Dugang pahayag ni Barrientos nga ang maong edipisyo magsilbe nga dapit nga kabutangan alang sa mga abaca seedlings sa dili madugay.

Sa kasamtangan, ang mga materyales sa pagpananom og abaca naga-gikan lamang sa sulod sa ilang mga ka-abakan nga mga tanom. Diin gidasig nga gidili ang pagpamalit og mga materyales nga itanom gikan sa gawas sa  mga barangay.

Nahibalo-an nga mas kusganon  ang  immune system  sa mga kasamtanangan nga mga abaka nga nagtubo sa mga ka-umahan kon ikumpara sa mga abaca gikan sa tissue culture nga mga igtatanom. (esg/PIA8 Soleyte/OCAS)



Source: Philippines Information Agency (pia.gov.ph)

Post a Comment

0 Comments