Hiligaynon News: Governor Gumarin nakapabakuna na kontra COVID-19

SYUDAD SANG ILOILO, Abril 20 (PIA) – Si Guimaras Governor Samuel Gumarin ang isa mga local chief executive (LCE) sa Western Visayas nga nakapabakuna na kontra sa coronavirus disease 2019 (COVID-19).

Nakabaton si Gumarin sang una nga dose sang Sinovac vaccine sang April 16 suno sa isa ka Facebook post sang Guimaras provincial government.

Ang mga LCE ang gintudlo sang Department of Health nga mangin kabahin sang priority groups nga bakunahan tungod sa ila papel sa pagresponde sa COVID-19.

Kalakip man  si Sibunag Mayor Annabelle Samaniego sa nakalista nga mauna magabaton sang bakuna.

Suno sa pagsayasat sang DOH, mga LCE sang 57 ka mga probinsya, 25 ka highly-urbanized cities/independent component cities kag  321 component cities/municipalities ang una nga nalakip sa listahan nga mabakunahan.

Sang Abril 12, si Antique Governor Rhodora Cadiao ang nakabaton na sang una nga dose sang bakuna. (Guimaras Provincial Government/JSC/CBA/PIA6)



Source: Philippines Information Agency (pia.gov.ph)

Post a Comment

0 Comments