Cebuano News: P500 financial subsidy madawat sa DepEd Cabadbaran non-teaching personnel

DAKBAYAN SA BUTUAN, Abril 7 -- Makadawat na og P500 kada bulan isip financial subsidy ang tanan non-teaching personnel sa Department of Education (DepEd)- City Schools Division sa syudad sa Cabadbaran human gi-aprubahan sa Sangguniang Panlalawigan ug gi-deklara nga balido ang City  Ordinance No. 2021-002, “Granting a monthly financial subsidy in the amount of Five Hundred Pesos (P500.00) to all non-teaching personnel of the Department of Education (DepEd)- City Schools Division of Cabadbaran City, appropriating funds thereof and for other purposes,” sa pagpangamahan ni Sangguniang Bayan Member Leo Dale A. Corvera.
 
Nakita sa mga lokal nga opisyal sa syudad ang mga nahimo sa mga non-teaching personnel sa DepEd City Schools Division sa Cabadbaran, nga  karon naggasto og igo nga kantidad aron makahatag teknikal nga tabang sa mga magtutudlo sa eskuylahan pinaagi sa online, paggasto sa gasto sa transportasyon alang sa pagmonitor sa eskuylahan ug sa pagtambong sa mga virtual nga miting ug seminar nga nanginahanglan nga gamiton nila ang kaugalingong kuwarta aron matuman ang mga maong buluhaton.
 
Tanan nga mga dili magtutudlo nga mga kawani sa DepEd City Schools Division sa syudad sa Cabadbaran apil ang Division School Administrators ug Division personnel, kwalipikado nga makadawat og subsidy apan ang mga job order (JOs) ug mga trabahante sa contract of service (COS) wala’y labot nga makadawat sa nasangpit nga benepisyo.
 
Mahinumduman  nga kaniadtong tuig 2018, ang Sangguniang Panlungsod sa Cabadbaran nagpatuman sa City Ordinance No. 2018-041 nga naghatag bulanan nga allowance sa tanan nga magtutudlo sa publiko nga tunghaan sa Deped City Schools Division sa Cabadbaran, sa ingon naghatag kanila sa kantidad nga P500.00 matag bulan gituyo aron matabangan sila alang sa pagpalit sa mga materyales sa pagtudlo sa klasehanan.
 
Gi-aprobahan ang maong ordinansa pinaagi sa Sanggunian Resolution No. 145-2021, sa pagpangamahan ni Provincial Board Member Rodulfo A. Pitogo,  tsirman sa Committee on Education and Culture, atol sa ika-82nd nga sesyon regular. (Jessica O. Mellejor, LGU Agusan del Norte/PIA Agusan del Norte)



Source: Philippines Information Agency (pia.gov.ph)

Post a Comment

0 Comments