Cebuano news: Malaybalay City DRRMO mipahigayon sa ICS training

MALAYBALAY CITY, Abril 26 (PIA)--Kapin sa 40 ka mga miyembro sa Disaster Risk Reduction and Management Council gikan sa nagkalain-laing ahensya sa gobyerno ug pribadong sector sa syudad sa Malaybalay ang gibansay aron kanunay kining andam sa bisan unsang sitwasyon kung ugaling dunay disgrasya o kalamidad.

Ang “Basic Incident Command System” nga training gituyo pagpahigayon aron makabalo ang mga miyembro niini kabahin sa mga nagkalain-laing lakang nga pagahimoon sa kagamhanang lokal ning dakbayan atol sa mga insidente, kalamidad, Natural disaster, ug Human-induced crises, sama sa terrorism, hostage-taking, armed-conflict situations, sunog, Traffic accident, ug uban pa.

Sa iyang mensahe gi-awhag ni City Disaster Risk Reduction and Management Officer (CDRRMO) Alan Comiso ang mga partisipante nga kanunay i-review ang mga Training Modules nga gihatag ngadto kanila aron mas mohanas pa sila diha sa pagpahigayon sa mga pamaagi diha sa ilang tagsa-tagsa ka mga organisasyon.

“Dako akong pasalamat sa gipakita nga kadasig sa atong mga partisipante sulod sa tulo ka adlaw nga “Basic ICS” training. Busa nanghina-ut mi nga unta magtinabangay kita ug dili kita magmakuli sa pag-share sa atong nakat-onan aron dili kita maglisod kung ugaling dunay mahitabo nga mga disgrasya o kalamidad. Tungod ini nga training, dili na ta mabalaka tungod kay ‘trained’ na mo ug ni-graduate namo sa BICS," matud ni Comiso.

Ang maong training gipahigayon sulod sa tulo ka adlaw, Abril 14-16, nga gipangunahan ni Jesse Jim Fajardo sa Office of Civil Defense Region 10.

Sumala pa niya, kini ang unang "face-to-face" training nga gihimo human miabot ang COVID-19 pandemic.

"Kamo ang 1st batch nga among na train "face-to-face" as of 2021. By following the health protocols, nahimong successful ang atong training. Hopefully magamit ninyo inyong nakat-onan whenever incidents, calamities, or disasters occur," matud ni Fajardo. (BGE/PIA Bukidnon)



Source: Philippines Information Agency (pia.gov.ph)

Post a Comment

0 Comments