Unified School-on-Air sang DA ginlunsar sa WV

SYUDAD SANG ILOILO, Marso 19 (PIA) – Ginlunsar sang Department of Agriculture (DA)-6 ang Unified School-on-Air on Smart Rice Agriculture Technologies (SOA-SRA) para sa bug-os nga Western Visayas sang Marso 16 diri sa syudad sang Iloilo.

Suno kay DA-6 OIC-Regional Executive Director Peter Sobrevega, ang SOA-SRA ang magadul-ong sang “competitive and resilient technologies” pamaagi sa radio-based nga distance learning para sang mga mangunguma sang Region 6.

Malapit 8,000 ka mga mangunguma ang na-enrol para sa nasambit nga programa kung san diin magasugod na sini nga Marso.

Ang SOA nga programa sang DA-6 nakalab-ot na sa malapit 30 ka tuig, suno kay Sobrevega.

Nagatutok ini sa priority commodities sa rehiyon kapareho sang palay, mais, high-value crops, kasapatan o livestock, mga organic agriculture nga programa, mechanization, kag value-adding.  

Apang, ang unified SOA-SRA ang labing una nga tion kon sa diin national level na ang pag implementar.

Ginakabig sang DA nga milestone ang ini nga programa nga pagasugoran sa tunga sang pandemya. (JSC/CBA/PIA6)



Source: Philippines Information Agency (pia.gov.ph)

Post a Comment

0 Comments