Mural gihimo isip pahinungod ug pagyukbo sa mga frontliners

MISAMIS ORIENTAL, Marso 24--Agi og pasalamat sa ilang gipakita nga dedikasyon sa pagserbisyo sa publiko niining padayon nga pagpakigbatok sa Covid-19, hingpit na nga gipakita sa publiko ang usa ka gratitude wall o mural nga gipahinungod sa mga frontliners.

Nahitabo niadtong adlawng Lunes, Marso 15, ang unveiling ug ribbon-cutting sa maong mural nga anaa nahimutang kilid sa luna sa Kapitolyo Probinsyal atbang sa SEDA Hotel sa may Ayala Centrio Mall, Cagayan de Oro.

Gipangunahan kini sa Food Panda kung asa nagikan ang maong inisyatibo katimbayayong ang JCI Kagayhaan Gold Inc., Boysen ug ang panggamhanan sa Misamis Oriental ubos sa liderato ni Governor Bambi Emano.

Si Provincial Tourism Head Atty. Jeffrey Saclot maoy nirepresenta ni Governor Bambi atol sa kalihokan.

Mapasalamaton si Ms. Javie Llagas kinsa maoy City Manager sa Food Panda ning siyudad gumikan sa suporta nga gipakita sa ilang katimbayayong nga kompanya, NGO ug ang gobiyerno sa Misamis Oriental nga nahimong posible ang ilang nindot nga tinguha.

“We are so grateful for all the support of our partners of course including the Province of Misamis Oriental under the Governance of Governor Bambi Emano this one is a very good initiative for food panda as we were able to convey our partners to join with us hand in hand to deliver the message of gratitude to our frontliners in the side of food panda we are so grateful for the support of Governor.” Matud ni Ms. Llagas.

Nagpaabot sab sa iyang dako nga pasalamat si Mr. David Piol kinsa maoy President sa JCI Kagayhaan Gold sa pag aproba sa pagmugna sa maong mural diha sa luna sa kapitolyo.

“To Governor Bambi Emano we are very thankful from Food Panda, JCI Kagahayaan Gold and Boysen for allowing us to showcase the mural here sa atong Provincial Wall nga near sa atong Capitol. Though wala naka attend si Governor but we would like to extend our gratitude to Governor Bambi Emano for approving the mural diri sa atong provincial wall so thank you so much to Governor Bambi Emano," mapasalamatong pahayag ni Mr. David Piol.

Makita sa mural ang talento sa mga artist nga maoy nangamot sa pagmugna sa maong konsepto kay tumong niini aron ipaabot ang ilang pagyukbo ngadto sa mga frontliners nga nakigbatok sa makapatay nga virus ug misugal sa ilang kinabuhi aron lamang maluwas ang kinabuhi sa uban.

“Dako jud mig pasalamat in fact we can really say na thank you for your bravery, thank you for your sacrifices na despite of the late hours and all the emergencies, still you were there to really provide us the services that we all need so that alone dili nato na mabayaran as to how we can serve you.” dugang ni Ms. Llagas.

Ang maong Gratitude Wall usa ka pilot project sa food panda alang sa mga frontliners sa tibuok Pilipinas ug lauman nga kini magsilbing ehemplo sa uban pa nga siyudad sa tibuok nasod ug magmugna sa susamang Mural agi og pasalamat sa mga frontliners nga taliwala sa kakapoy ug risgo nga giatubang, nagpabilin nga anaa sa unahan aron protektahan ang katawhan.

Ang naghatag ug kinabuhi sa maong mural mao ang mga iladong artists sa syudad sa Cagayan de Oro nga mao sila si Jenalyn Morales, Emmanuel Mulawan II, John Aaron Martizano, Jhuemarie Abueva, Jasper Rosalejos ug Romando Lonon. (MisOr PIO)



Source: Philippines Information Agency (pia.gov.ph)

Post a Comment

0 Comments