Infra projects gitunol sa PEO sa mga barangays sa Gingoog City

MISAMIS ORIENTAL, March 24--Gipasiugdahan sa buhatan sa Provincial Engineering Office (PEO) sa pagpanguna nila Assistant Provincial Engineer Tessie Gales ug Engr. Excel Dagala ang pagpangtunol og proyekto ubos sa Barangay Empowerment Program ni Governor Bambi Emano.

Tulo ka mga barangay sa Gingoog City ang benipesyaryo sa tulo ka mga proyekto nga mao ang Barangay Lawit, Barangay 9 ug Barangay 14.

Nakadawat ang Brgy. Lawit og proyekto nga covered court nga nag kantidad og P500,000, samtang ang Brgy. 9 nakadawat og proyekto nga construction of evacuation center nga mikantitad og P900,000. Mokabat sab sa P300,000 nga kantidad sa proyekto nga installation of CCTV ang nadawat sa Brgy. 14.

Kauban sa PEO nga mitambong sa kalihokan mao si Board Member Wayne Militante nga mirepresenta ni Governor Bambi.

Mapasalamaton ang mga Kapitanes sa mga nasangpit nga Barangay tungod kay dako ang mamahimong tabang sa mga proyekto nga gitunol sa panggamhanang probinsyal ngadto kanila ug sa ilang mga ginsakupan.

Dako ang nahimong tabang sa Barangay Empowerment Program ni Governor Bambi labina gyod sa mga proyekto nga gi-implimentar sa kabaranggayan gumikan bililhon kini nga gasa sa kagamhanan sa probinsya ngadto sa katawhan kay moluntad pa sa mga umaabot pang kaliwatan. (PIO/MisOr)



Source: Philippines Information Agency (pia.gov.ph)

Post a Comment

0 Comments