Hiligaynon News: Pagpangbakuna kontra COVID-19 nagsugod na sa Capiz

SYUDAD SANG ROXAS, Capiz, Marso 12 (PIA) – Ginpangunahan ni Dr. Edmarie Tormon ang mga medical frontliners kag health workers sang Roxas Memorial Provincial Hospital diri sa syudad sang Roxas ang pagpabakuna sang SINOVAC vaccine sa pagsugod sang COVID-19 vaccination sa probinsya sang Marso 10 sa vaccination site sang RMPH diri sa syudad sang Roxas.

 Nahibaluan nga kapin sa 92  porsyento sang 690 ka mga empleyado sang RMPH   nga isa ka COVID-19 referral hospital sang probinsya ang  nagpasugot nga   mabakunahan kontra sa COVID-19.

 Ang una nga adaw sang pagpangbakuna sa RMPH ang gintambungan   ni Gobernador Esteban Evan Contreras nga nagpaabot sang pagpasalamat kay
 Pangulong Rodrigo Duterte kag Department of Health Sec. Francisco Duque sa   nauna nga 650 ka doses sang SINOVAC vaccine nga nabaton sang
 probinsya sang Marso 8.

 Nahibaluan nga may nag-abot pa nga 1,790 ko doses nga SINOVAC   sa probinsya  sang Marso 10 nagikan sa DOH – 6 sa syudad sang Iloilo.

 Base sa rekord sang Provincial Health Office, masobra sa 2,000 ka mga health   care workers kag medical frontliners ang mauna nga mabakunahan
 sang SINOVAC antes ang iban nga ginapasulabi nga sektor para sa bakuna.

 May natukod naman nga 54 ka mga vaccination site sa probinsya   nga ginpahamtang sa mga ospital, RHU, covered gym, barangay hall kag mga
 eskwelahan.

 Samtang ang 70 porsyento sang populasyon sa probinsya ang kapin 568,364 ka mga indibidwal nga pagalab-uton sang pagbakuna agud malab-ot ang “herd immunity” sa probinsya. (JBG/AAL/PIA Capiz)



Source: Philippines Information Agency (pia.gov.ph)

Post a Comment

0 Comments