Cebuano News: Paggamit sa StaySafe App sa contact tracing padayon nga gipahinumdom sa DILG

Protektahan ang inyong pamilya ug ang nasod. I-download ug gamita ang StaySafe.ph app sa inyong mobile phones. Ang StaySafe PH app usa  ka community-driven contact tracing, health condition reporting ug social distancing system. (DILG)

TAGBILARAN CITY, March 23 (PIA) -- Subling nanawagan ang Department of Interior and Local Government (DILG) sa mga local government units (LGU) nga ihunong na ang paggamit sa nagkalain-laing klase sa contact tracing application ug gamiton na lamang ang StaySafe application.

Matud pa sa DILG, dili na kinahanglan sa matag LGU nga magmugna pa og laing klase sa contact tracing applications.

Apan kun nakahimo na ang LGU og kaugalingong contact tracing app, mahimo raman kining ipa-integrate sa contact tracing app sa gobyerno.

Matud pa sa tigpamaba sa DILG nga si Jonathan Malaya, kun aduna nay unified system ang gobyerno, mas mapakusog ang contact tracing efforts sa niini.

Gitarong na usab sa developer sa StaySafe nga Multisyss ang application alang niini aron magunitan na sa DILG.

Kun naa na sa mga kamot sa DILG ang maong app, giingong magpahigayon sila og panagpulong sa mga LGU. (ecb/PIA7-Bohol)

 



Source: Philippines Information Agency (pia.gov.ph)

Post a Comment

0 Comments