Cebuano News: Ordinansa nga mag-amnestiya mga buhis sa yuta aprobado na sa AgNor

DAKBAYAN SA BUTUAN, Marso 9 -- Giaprobahan sa ikaduhang pagbasa sa Sangguniang Panlalawigan atol sa sesyon regular kaniadtong Marso 1 ang Proposed Provincial Ordinance No.407-2021 nga mag deklarar og amnestiya sa pagbayad sa interest o penalty niadtong mga magbubuhis sa Probinsya nga wala naka bayad sa real property taxes tungod sa pandemya. Ang maapil sa amnestiya mao kadtong, interest o penalties hangtod sa Disyembre 31, 2020.
 
Ang naasoy nga ordinansa gipasikad sa sulat-hangyo ni Gobernador Dale B. Corvera isip suporta sa mga tag-iya sa real properties nga naningkamot pa og balik gikan sa pinansyal nga kalisod tungod sa pandemya.
 
Matod pa ni Gob. Corvera nga ang paghatag og lugway sa buhis makatabang sa ilang lakang sa rehabilitasyon ug sa samang higayon madani ang mga magbubuhis nga mobayad sa ilang mga obligasyon. Gisuportahan ang naasoyng sugyot ordinansa ni Junie Vinatero, Provincial Assesors.
 
Ang real properties nga maapil sa amnestiya mao ang mosunod:
* Katong wala gideklara para buhis;
* Kadtong gideklara apan dili pa hingpit nabayran ang buhis
* Kadtong gisubasta sa siyudad ug mga lungsod sa lalawigan, apan walay nipalit atol sa maong subasta, basta ang titulo o tax declaration wala pa nabalhin sa ngalan sa LGU.
* Kadtong adunay kaso sa korte tungod sa pagkadelingkwente sa buhis
 
Ubos sa Section 276 sa R.A. 7160, the Local Government Code of 1991, kon adunay kalamidad sa bisan unsang probinsya, siyudad. o munisipyo, ang hingtungdan sa Sanggunian, pinaagi sa ordinansa nga gipasa sa wala pa ang inang adlaw sa Enero sa bisan unsang tuig ug pinaagi sa rekomendasyon sa Local Disaster Coordinating Council, pwede modeklara nga menosan o ipaubos ang interes o penalty sa real property taxes sa LGU nga naapektohan sa kalamidad.

Ang maong lakang giaprobahan pinaagi sa pagpangamahan ni Francisco Y. Chan Jr., tsirman sa Committee on Cooperatives and Community Organization. (Ramil L. Pasco, LGU Agusan del Norte/PIA Agusan del Norte)

 



Source: Philippines Information Agency (pia.gov.ph)

Post a Comment

0 Comments