Cebuano News: COVID-19 vaccine indemnification bills, gisertipikahan'g urgent ni PRRD – Galvez

MANILA, Feb. 18 (PIA) -- Gikumpirmar ni National Task Force against COVID-19 chief implementer ug vaccine czar Carlito Galvez Jr. nga gisertipikahang urgent na ni Presidente Rodrigo Roa Duterte ang duha  ka balaodnon nga tuyong magmugna og indemnity fund, apil na usab ang pagpadali sa pagpalit og mga bakuna batok sa COVID-19.

Sa usa  ka pahayag, miingon si Kalihim Galvez nga ang mga nahisgotang balaodnon mao ang Senate Bill No. 2057 ug House Bill No. 8648.

“Pinirmahan na po ng ating mahal na Pangulo ang pagsertipika ng panukalang batas as urgent. Nag-usap po kami kanina, kasama po si Senator Bong Go, at magandang balita po na talagang napirmahan niya na po ‘yung mga Senate bill na makakatulong po sa atin,” matud pa ni Galvez.

Tuyo sa Senate Bill 2057 nga mapadali ang pagpalit ug ang rollout sa COVID-19 vaccines ug ang P500-milyon nga indemnification fund.

Samtang ang House Bill 8648 nagtinguhang mahatagan og otorisasyon ang mga local government units (LGUs) nga mohatag og advance payments alang sa COVID-19 vaccines.

Pinaagi sa pagsertipika isip ‘urgent’, mahimong ipalabang sa Kongreso ang maong mga balaodnon sa second ug third reading sa parehong adlaw. (ecb/PIA7-Bohol)



Source: Philippines Information Agency (pia.gov.ph)

Post a Comment

0 Comments