Cebuano News: Balaodnong FIST, gilagdaan na ni PRRD

Gilagdaan na ni Presidente Duterte ang RA 11523 o Financial Institutions Strategic Transfer (FIST) nga magmugna og specialized asset-managing corporations. (PIA)

MANILA, Feb. 17 (PIA) -- Gilagdaan na ni Presidente Rodrigo Roa Duterte ang paghimong balaod sa Financial Institutions Strategic Transfer (FIST) nga magmugna og specialized asset-managing corporations.

Base sa Republic Act No. 11523, ang FIST maoy magtukod sa specialized asset-managing corporations nga mokuha sa mga “bad loans and stagnant properties” sa mga nabangkarota nga mga pinansyal nga institusyon. 

Nalakip usab niini nga ang usa  ka FIST corporation mahimong mamuhonan; mokuha og non-performing assets (NPAs) gikan sa usa  ka pinansyal nga institusyon; ug  malambigit sa third parties aron magdumala, magpadagan, mangolekta, ug mokuha og NPA.

Isip parte sa economic recovery program sa Duterte Administration, ang FIST magpalig-on sa sektor sa pinansyal pinaagi sa paghimo sa mga bangko sa episyente nga pag- dispose sa ilang mga non-performing loans ug assets, hinloan ang ilang balance sheets, ug ipaabot ang pagpautang ngadto sa mga sektor nga mas nanginahanglan.

 “We consider the enactment of RA 11523 timely and thank both Houses of Congress for the passage of this law, which has been certified urgent by the Chief Executive, and has been considered by our Economic Team as one of the measures that would help us recover in the aftermath of the COVID-19 pandemic,” matud pa sa pahayag sa Malakanyang.
 
Ang maong balaod usa sa mga gisertipikahang urgent ni Presidente Duterte.  (ecb/PIA7-Bohol)
 



Source: Philippines Information Agency (pia.gov.ph)

Post a Comment

0 Comments