Investors forum sa Gingoog, gipahigayon

GINGOOG CITY, Enero 11 - Nagpahigayon ang lokal nga pangagamhanan pinaagi sa buhatan sa Local Economic and Investment Promotions Office (LEIPO) ug Special Projects Development Management Office (SPDMO) og usa ka Investors Forum inubanan sa mga local entrepreneurs ug business owners sa dakbayan. 

Hilisgutanan sa maong panagtigom ang estimated 5,000 sqm nga planong tukuran og Chalet sulod sa Da Grove @ Highway 955 sa Barangay Lunotan.

Magsilbi kini nga tuloganan sa mga turista nga gusto magbakasyon sa maong lugar. Gipanghingusgan sa kasamtangang administrasyon nga himoong prayoridad ang ang mga lumulupyo sa dakbayan isip mga investors niini nga proyekto.

Tumong niini nga gawas sa income ug employment nga ma-generate sa maong proyekto, mahatagan usab og oportunidad, pagtagad ug prayoridad ang mga Gingoognon alayon sa objective nga "inclusive economic growth" sa dakbayan.

Human gipresentrar ni Mr. Ancio Felisan ang proposed plan sa maong proyekto, adunay open forum nga nahitabo arun madungog ang mga ideya ug suhestiyon sa business sector ug matubag ang ilang mga pangutana. Magpabilin usab nga abli ang opisina sa SPDMO para sa mga dugang concerns mahitungod niini.

Lakip nitambong sa maong panagtigom si City Mayor Erick G. CaƱosa, Vice Mayor Peter M. Unabia, Ms. Elsa M. Maquiling, Engr. Ancio Felisan, Ms. Lindy Valdevilla, ug ang mga miyembro sa business sector sa dakbayan. (Gingoog City Information Office)



Source: Philippines Information Agency (pia.gov.ph)

Post a Comment

0 Comments