Covered court sa brgy. Minsapinit, Gingoog City pormal nga gitunol 

GINGOOG CITY, Misamis Oriental, Jan. 11 - Pormal nga nagpahigayon ang lokal nga pangagamhanan og usa ka turnover ceremony sa Covered Court sa Brgy. Minsapinit atol sa ika-61st nga selebrasyon sa pagkamugna sa maong Barangay.

Duyog sa maong selebrasyon, personal nga mitambong sa maong okasyon si City Mayor Erick G. Cañosa arun personal niini nga mapahibalo ang mga lumulupyo sa maong barangay nga andam na nga pagagamiton ang maong proyekto. Malipayon kini nga gidawat ni Brgy. Kapitan Edwin

Cabañaz ug matud pa niya, dawaton ug ampingan nila kini sama sa pag amping sa usa ka bahandi.

Dako ang kalipay sa mga lumulupyo sa Barangay Minsapinit kay sa kadugayon nahuman ra gayud ang ilang covered court ug magamit na kini sa mga programa ug mga aktibidadis sa barangay ug dili na usab mainitan ang nga mag dula sa basketball hilabi na ang mga kabataan.

Matod pa ni Mayor Cañosa , “Nag gahin usab ang lokal nga pangagamhanan ug 2 million pesos para sa pagpa semento sa dalan sa Barangay Minsapinit. Rest assured, matubag ang panginahanglanon sa matag barangay sa dakbayan inubanan sa suporta ni Vice Mayor Peter Unabia kauban ang mga miyembro sa Sangguniang Panlungsod."

Padayon usab ang pagpaningkamot sa kasamtangang administrasyon nga mapaabot sa matag pamilyang Gingoognon ang mga pagpangalagad niini taliwala sa pandemya. (Gingoog CIO)



Source: Philippines Information Agency (pia.gov.ph)

Post a Comment

0 Comments