Cebuano News: Suplay sa bakuna, moabot sa nasod sa mosunod nga duha ka buwan - PRRD

MANILA, Jan. 19 (PIA) -- Gipahayag ni Presidente Rodrigo Roa Duterte sa iyang public address Lunes sa gabii, Enero 18 nga gipaabot ang mga suplay sa bakuna nga moabot sa nasod sa mosunod nga duha  ka buwan.

“Ganito ang bakuna, the earliest that we can have it, is about 2 months from now yung ibang bayan na walang pera wala pa sila,″ (ingon ani ang bakuna, ang labing dalu nga makuha kini kato, mga duha ka buwan gikan karon, ang uban nga wala pay kwarta, wala pay ilaha) pahayag pa ni Duterte.

Gidugang pa sa Presidente nga wala’y angay ikabalaka ang katawhan tungod kay matud pa alang sa mga kabos ang gobyerno ug prayoridad nga mapabakunahan ang mga kabos.

Samtang gimando ni Duterte kang National Task Force (NTF) Against COVID-19 chief implementer ug vaccine czar Kalihim Carlito Galvez Jr. nga ipadayon ang iyang “game plan” alang sa pag-rollout sa COVID-19 vaccines taliwala sa mga pagduda sa pipila ka magbabalaod sa presyo ug epektibo sa bakuna nga paliton sa gobyerno.

I’m telling now General Galvez: ‘Yung game plan niya, sundin niya. With or without the investigation, proceed and implement what we plan to do,” matud pa sa Presidente.

Sultihan ko karon si Gen Galvez, ang iyang game plan, himoon na niya. Ma aduna may imbestigasyon o wala, padayon ug ipatuman ang angayan natong buhaton.

“Nevermind about the investigations.  Kasi mas lalong matagalan tayo,” dugang pa niini.\

Taliwala kini sa nagpadayong imbestigasyon sa duha ka kapulungan sa Kongreso kalabot sa gihimong pagpalit sa gobyerno og mga bakuna batok sa COVID-19.

Una nang gipahayag ni Department of Health (DOH) Kalihim Francisco Duque III nga target sa gobyerno nga mabakunahan ang 60 milyong Pilipino aron magbaton og ‘herd immunity’ sa higayong moabot na ang mga bakuna sa nasod. (ecb/PIA7-Bohol)

 



Source: Philippines Information Agency (pia.gov.ph)

Post a Comment

0 Comments