Cebuano News: PRRD nimando sa pag-suspenso sa usbaw sa kontribusyon sa PhilHealth

Gimando ni Presidente Duterte ang pag-suspenso una sa usbaw sa kontribusyon sa mga PhilHealth member nga gitakda untang ipatuman karong Enero 2021 tungod sa nagpadayong pandemya hangtod karon tungod sa COVID-19. (PCOO)

MANILA, Jan. 5 (PIA) -- Gimando ni Presidente Rodrigo Roa Duterte ang pag-suspenso una sa usbaw sa kontribusyon sa mga PhilHealth member nga gitakda untang ipatuman karong Enero 2021.

Matud pa ni Senador Christopher “Bong” Go nga ang rason ni Presidente Duterte mao ang pandemya nga naa pa gihapon hangtod karon tungod sa COVID-19.“

Pandemic tayo ngayon. Trabaho ng government na humanap ng paraan and to make easy for the people. Pinade-defer muna ni PRRD increase sa PhilHealth, matud pa ni Go.

Niingon si Go nga pabor siya nga i-oktaba una ang usbaw sa kontribusyon sa mga PhilHealth members nga gitakdang ipatuman karong 2021.

Matud pa sa Senador nga kun may palagdaan ang Kongreso sa Presidente nga balaod nga magpahunong sa usbaw sa singil, giingong pirmahan kini dayon ni Duterte.
 
“Sinabi niya na kung may maipapasang batas ang lehislatibo na naglalayong ipatupad ang deferment, o kung may kailangang aprubahan na dagdag na pondo mula gobyerno para hindi maantala ang serbisyo ng PhilHealth, pipirmahan niya ito pagkatapos mapag-aralan ng mabuti,” matud pa ni Go.

Gipasabot sa Senador nga daghang nawad-an on trabaho mao nga tabangan na lang una kini ilabi na ang mga Overseas Filipino Workers (OFW) nga wala na’y pambayad sa premium.

Giingong pabor usab si Duterte nga gastohan una ang PhilHealth kun ma-oktaba ang premium hike. 

Kahinumdoman nga gisaway ang PhilHealth, nga nahimong sentro sa kontrobersiya tungod sa giingong halapad nga korapsiyon, human gi-anunsiyo niini nga ipadayon ang ilang premium hike taliwala sa pandemya. (ecb/PIA7-Bohol)



Source: Philippines Information Agency (pia.gov.ph)

Post a Comment

0 Comments