Cebuano News: PRRD mipagawas og EO nga magpugong sa pagsaka sa presyo sa mga manok

Caption

MANILA, Jan. 18 (PIA) -- Opisyal nang nagpagawas si Presidente Rodrigo Roa Duterte og usa  ka Executive Order nga nagtinguhang mapugngan ang pagsaka sa presyo sa mga manok ug ubang poultry products sa nasod.

Nakalatid ubos sa EO No. 123 nga may panginahanglang siguradohon sa gobyerno ang padayon nga supply sa mga essential food products sa lig-on nga presyo ug matabangan ang mga negosyo nga makabawi ug magpabilin ang ilang operasyon.

Atubangan gipapon kini sa krisis nga dala sa COVID-19 pandemic mao nga kinahanglang magpatuman ang gobyerno og mga lakang nga nagtinguhang mapugngan ang grabeng epekto sa kasamtangang sitwasyon sa kinabuhi ug panginabuhian sa mga Pilipino.

Mao nga gi-rekomendar sa National Economic Development Authority (NEDA) nga ipabilin ang 5% tarrif rates sa mga mechanically deboned meat sa manok ug pabo.

Nakalatid usab sa EO nga dili una angay pasakaan ang buhis sa mga fresh, chilled ug frozen cuts sa mga manok.

Tungod niini, gipaabot nga walay angay nga pagsaka sa presyo sa mga manok sa mga  merkado.

Gilagdaan ni Presidente Duterte ang EO 123 niadtong Biyernes, Enero 15, 2021. (ecb/PIA7-Bohol)



Source: Philippines Information Agency (pia.gov.ph)

Post a Comment

0 Comments