Cebuano News: Malakanyang, maglusad og info campaign kalabot sa COVID-19 vaccine brands

MANILA, Jan. 18 (PIA) -- Gitakdang maglusad ang Malakanyang og info campaign alang sa mga bakuna batok sa coronavirus disease (COVID-19) aron ipasaka ang kumpyansa sa publiko. 

“Well, in due course, ang plano namin dito sa press briefing, to build confidence. Lahat po iyang mga bakuna na iyan, as soon as they arrive, ay sasabihin po natin sa taumbayan kung anong datos. Kasama po iyan sa aming overall plan,” matud pa ni Presidential spokesman Harry Roque.

Kini atubangan sa mga giatubang nga pagsaway sa pagpili sa bakunang Sinovac gikan China bisan sa giingong mas epektibo ug barato ang ubang brand sa bakuna.

“Sa tingin ko po, itong ginagawa natin na pagpapaliwanag, bagama’t hinahaluan ng pulitika po ng mga kritiko ng administrasyon ay maiintindihan naman po ng taumbayan kung ano ang ginagawa ng gobyerno,” pasabot pa ni Roque.

Samtang kusganong gihimakak sa Malakanyang nga taas ang presyo sa Sinovac kun itandi sa ubang bakuna batok COVID-19 human mapatik nga $36 ang kantidad sa Sinovac sa Pilipinas diin matud pa $17 lang ang presyo niini sa Indonesia.

Matud pa ni Roque nga walay kamatuoran ang mga nikatap nga balita ilabi na nga giingong kompidensyal ang mga ingon niining impormasyon.

Dugang pa sa kalihim, niingon mismo si Vaccine Czar Carlito Galvez Jr. nga dili maglagyo ang presyo sa Sinovac sa Pilipinas kun itandi sa Indonesia nga giingong naa lamang sa P670 hangtod P675.

Matud pa ni Roque nga sa higayong naa na’y ‘supply agreement’ ang gobyerno sa Sinovac, dinhi lamang mapakita sa publiko ang presyo niini. (ecb/PIA7-Bohol)



Source: Philippines Information Agency (pia.gov.ph)

Post a Comment

0 Comments