Cebuano News: DOH miklaro: Wala pa nakasulod ang UK variant sa COVID-19 sa Pinas

Giklaro sa DOH ug sa Philippine Genome Center (PGC) nga hangtod niadtong Lunes, Enero 11, 2021, wala pa’y na-detect nga UK variant, o bisan unsang bag-ong variant sa SARS-COV-2 sa mga positive samples nga ilang gisusi. Ang DOH ug PGC nagtinabangay aron mas hugtan pa ang  ilang nagpadayong "biosurveillance efforts." (DOH)

MANILA, Jan. 12 (PIA) -- Hugot nga gihimakak sa Department of Health (DOH) ang mikatap sa social media nga aduna nay bag-ong COVID-19 variant sa Metro Manila.

Sa gipagawas nga pahibalo sa DOH, giklaro sa buhatan ug sa Philippine Genome Center (PGC) nga hangtod niadtong Lunes, Enero 11, 2021, wala pa’y na-detect nga UK variant, o bisan unsang bag-ong variant sa SARS-COV-2 sa mga positive samples nga ilang gisusi.

Dungan niini, gipasalig sa DOH nga sila sa PGC nagtinabangay aron mas hugtan pa ang  ilang nagpadayong "biosurveillance efforts."

“The Department of Health and the Philippine Genome Center, to date, have not detected the UK variant, or any new variant of SARS-COV-2 in any of the positive samples tested. The DOH and PGC are closely working together in order to intensify on-going biosurveillance efforts,” matud pa sa gipagawas nga announcement sa DOH.

Nanawagan usab ang DOH ngadto sa publiko nga likayan ang pagpakatap og mga dili berepikadong impormasyon tungod kay wala kini mahatag kun dili panic ug kalibog lamang.

Apan bisan may na detect man o wala nga bag-ong variant sa COVID-19, subling nanawagan ang DOH sa publiko nga sundon pa gihapon ang mga gipatuman nga minimum public health standards.

Kini tungod kay matud pa ang makonsiderar isip “best defense” batok COVID-19. (ecb/PIA7-Bohol)



Source: Philippines Information Agency (pia.gov.ph)

Post a Comment

0 Comments