Cebuano News: DILG, mi-awhag sa LGUs sa pag-andam sa ilang local vaccination plans

Caption

MANILA, Jan. 21 (PIA) -- Gi-awhag sa Department of the Interior and Local Government (DILG) ang tanang local government units (LGUs) sa pag-andam sa ilang mga local vaccination plan nga nakalatid sa sumbanan sa Department of Health (DOH) National Vaccination Program ug ang pakig-alayon sa ilang nagkadaiyang DOH-Centers for Health Development sa pagpreparar niining plano.

Ang DILG mipagawas sa Memorandum No. 2021-007 diin gimanduan ang mga LGUs sa paghimo sa ilang vaccination plan nga naglakip sa paghimo sa risk communication plans ug pagpahigayon og sayo nga Vaccine Communication Campaign aron pagpakatap sa kritikal nga kasayuran kabahin sa COVID-19 vaccination.

Ang maong plano kinahanglan usab maglakip sa master list sa mga prioridad nga angayang mabakunahan nga populasyon; pag-ila sa posibleng vaccine centers, gamitong cold chain storages, ug uban pang logistical requirements; ug master list sa naa na daan nga mga human resources ug personnel nga kinahanglanon sa vaccination program.

Ang tigpamaba sa DILG na si Jonathan Malaya miingon nga ang reorganization sa kasamtangang Emergency Operation Centers sa mga LGUs maglakip sa dedicated arm alang sa vaccine concerns; pagpalihok sa mga opisyal sa barangay ug ubang volunteers nga motabang sa preparasyon ug aktuwal nga pagbakuna; ug ang pagsalmot sa mga hingtungdang buhatan ug mga kawani sama sa mga LGU health offices, Public Information Offices ug Sanitation Offices, ug uban pa nga kinahanglang himuong parte sa maong plano.

"This COVID-19 vaccination will be the biggest of such program sa ating kasaysayan kaya ating hinihikayat ang mga LGU na ihanda na ang kanilang mga vaccination plan for we need this to be as smooth as possible sapagkat buhay ng ating mga mamamayan ang nakasalalay dito," matud pa ni Malaya.

Gidugang pa niini nga ang LGU kinahanglang motuman sa guidelines nga gipagawas sa DOH ug sa National Task Force Against COVID-19 kalabot sa bakuna ug kinahanglan ang ilang ‘close coordination’ sa Philippine National Police ug Bureau of Fire Protection alang sa assistance alang sa bisan unsang tabang nga gikinahanglan.

Sa pagsunod sa tripartite approach sa LGU sa pagpalit og mga bakuna batok COVID-19, ang DILG mi-awhag usab og hugot nga koordinasyon sa mga local government units ug tali sa LGUs ug National Task Force COVID-19 Vaccine Cluster nga gipangunahan ni Kalihim Carlito Galvez, Jr.

Matud pa ni Malaya nga sa pinakaulahing meeting tali sa League of Provinces of the Philippines (LPP), DILG, DOH, ug Vaccine Czar Kalihim Galvez, tanang component cities ug municipalities nga adunay pondo alang sa pagpalit og mga bakuna gi-awhag sa pag-koordinar sa ilang probinsyal nga kagamhanan.

Ang mga LGUs nga mangayo og ‘authorization for emergency use’ sa pagpalit og COVID-19 vaccine, kinahanglang makig-alayon sa ilang probinsyal nga kagamhanan.  Kini aron pagseguro nga may igong suplay sa bakuna alang sa tanan.

Sa pinakaulahing advisory nga gipagawas sa DILG, ang provincial governments gimanduan sa pag-consolidate sa tanang purchase requests sa ilang component LGUs ug iduso kini sa ilang Regional Task Forces alang sa submission niini ngadto sa DOH ug sa NTF Vaccine Cluster.

"Katulad po ng amin nang nabanggit, napakahalaga po na makiisa ang mga LGU sa tripartite approach sa pagbili nila ng mga bakuna," pasabot pa ni Malaya. (ecb/PIA7-Bohol)



Source: Philippines Information Agency (pia.gov.ph)

Post a Comment

0 Comments