Aklanon News: Pagpasaka sa kontribusyon ku mga miyembro it PhilHealth gin papundo

KALIBO, Aklan, Enero 7 (PIA) - - - Ginpaiway anay ni Pangueong Rodrigo Duterte ro implementasyon  ku pag pasaka sa kontribusyon ku mga miyembro it Philhealth para mapa hagan-hagan ro kalisod it mga Filipino nga dueot ku pandemya nga Coronavirus disease.

“May hana para pataasan ro kontribusyon ku mga miyembro,” hambae it Pangueo sa anang public address ku Lunes.

“Sa tyempo makaron ku atong pag pangabuhi, gina hueong ko kay PhilHealth Chairman Dante Geirran, nga indi anay makaron,” hambae nana.

“Owa it pag pasaka sa kontribusyon. Mausoy ako it kuarta para pun-an ron. Mausoy kita it kuarta. Busa, trabaho gid man it gobyerno para mangin maeumo sa tanan, eabi eon gid sa tyempo ngara,” hambae it Pangueo.

Ro kontribusyon sa PhilHealth hay paga-taasan kunta sa 3.5 porsyento sa andang kada buean nga sueldo, kumpara sa 3 porsyento eamang ku nagtaliwan nga mga dag-on. 

Ro 0.5 porsyento dag-onang  pag saka sa baeayran ku mga miyembro hay legal suno sa mandato it Universal Health Care Act nga maga umpisa makaron nga dag-on kunta hasta makaabot imaw sa total nga 5 porsyento sa dag-on 2025. (JBG/JERR/PIA Aklan)

 

 



Source: Philippines Information Agency (pia.gov.ph)

Post a Comment

0 Comments