Cebuano News: Insentibo sa mga BNS, BHW, Day Care Worker sa Cabadbaran giusbawan

DAKBAYAN SA BUTUAN, Disyembre 15 -- Gi-usbawan sa lokal nga panggamhanan sa syudad sa Cabadbaran ang insentibo sa mga Barangay Nutrition Scholar (BNS), Barangay Health Workers (BHW) ug Day Care Workers.

Sa sesyon regular sa Sangguniang Panlalawigan gi-aprubahan ug gi-deklara nga balido ang City Ordinance Nos. 536, 537 ug 538-2020, gikan sa syudad sa Cabadbaran, alang sa maong pag-usbaw.

Makadawat na ang mga Barangay Nutrition Scholar (BNS) matag bulan og honorarium nga usa ka Libo ka pesos (P1,000.00 ) gikan sa Eight hundred pesos (P800.00) samtang ang mga Barangay Health Workers makadawat og  honorarium nga usa ka libo ka Pesos (P1000.00) matag usa kada bulan ug ang honorarium sa Child Development Worker gikan sa usa ka libo lima ka gatus ka pesos (P1,500.00) matag bulan himoon na nga duha ka libo lima ka gatus ka pisos (P2,500) matag usa kada bulan.

Gi-aprobahan ang maong lakang pinaagi sa Sanggunian Resolution No. 536-2020, 537-2020 ug 538-2020 sa pagpanginahan ni Provincial Board Member Elizabeth Marie R. Calo, tsirman sa Committee on Social Welfare, Population Development, inubanan sa mga myembro nga sila Provincial Board Members Virgilio R. Escasinas, Jr. ug Nieva C. Famador. (Jessica O. Mellejor, LGU Agusan del Norte/PIA Agusan del Norte)

 



Source: Philippines Information Agency (pia.gov.ph)

Post a Comment

0 Comments