Cebuano News: Datu Abdullah Sangki, Camiguin gihugtan ang lakang batok COVID-19

CAMIGUIN, Dec. 9 (PIA)--Aron masubay ang mga pag-abot sa mga tao sa lugar ug mapakgang ang pagkaylap sa coronavirus disease (COVID)-19, ang Lokal nga Pangagamhanan sa Datu Abdullah Sangki sa Maguindanao ug Camiguin nagtipig ug usa ka talaan sa mga indibidwal ug nagmonitor mga kalihokan ilang mga ginsakupan.

“As of now we don’t have any positive cases. Last week we were certified by the Ministry of Health as a temporary treatment center for COVID,” ingon ni Datu Abdullah Sangki Mayor Datu Pax Ali Mangudadatu sa Network Briefing News, Disyembre 9.

(Sa karon wala kami positibo nga mga kaso. Kaniadtong niaging semana gihatagan kami sertipikasyon sa Ministry of Health nga mahimong temporaryo nga sentro sa pagtambal alang sa COVID).

Dugang pa sa mayor nga nakapahimutang sila sa 100 ka mga tawo nga nakaabot sa ilang lungsod pinaagi sa usa ka housing area.

"The housing that’s not occupied has been permitted by the Ministry of Health to accommodate some of the excess in capacity,” dugtong pa niya.

(Ang pabalay nga wala giokupahan gitugotan sa Ministry of Health nga mapaabot ang pipila nga sobra sa kapasidad)

Gigamit usab nila ang ilang sakyanan para sa COVID nga mga pasyente aron makuha ang mga gaabot sa Cotabato, General Santos o Zamboanga.

Sa pagtubag sa mga kaso sa COVID-19, giingon ni Mangudadatu nga gitukod nila ang labing kadaghan nga sentro sa pagpugong ug paglikay sa COVID sa Bangsamoro Autonomous Region in Muslim Mindanao (BARMM).

Dugang pa niya nga ang mga nahamulag gihatagan libre nga pamahaw, paniudto, panihapon, ug duha ka meryenda. Aduna usab libre nga Wi-Fi, telebisyon, ug allowance.

"After their 14-day quarantine, the municipal government gives them a minimum wage equivalent to 14 days in support to them," ingon sa mayor.

(Pagkahuman sa ilang 14 ka adlaw nga quarantine, ang gobyerno sa munisipyo naghatag kanila usa ka minimum nga suholan nga balor sa 14 nga adlaw aron suporta sa ila)

Pagdumala sa pag-abut sa Camiguin

Sa Camiguin, ang mga residente sa probinsya dili na kinahanglan nga ipailawom sa 14-adlaw nga quarantine sa kondisyon nga makapakita sila usa ka negatibo nga resulta sa reverse transcription polymerase chain reaction (RT-PCR) o swab test sulod sa 12 ka oras sa wala pa makaabot sa isla gikan sa Disyembre 15, 2020-Enero 7, 2021.

Kini gipatuman sa ilalum sa Executive Order No. 52 o usa ka mando sa pamaagi sa quarantine sa kapaskuhan.

Bisan sa kadali sa pagbiyahe, giingon ni Gob. Jurdin Jesus Romualdo nga ang mga paglihok sa pag-abot limitado ra sa hinungdanon o emergency nga katuyoan lamang.

Base sa natala, Disyembre 13, ang probinsiya aduna'y upat nga kaso sa kumpirmadong COVID-19. Ang mga pasyente karon gidumala sa Mambajao municipal isolation unit.

Aduna'y 320 ka tawo nga adunay kaagi sa pagbiyahe o COVID-19 nga expose diin 237 gikan sa Mambajao, 37 gikan sa Mahinog, 13 gikan sa Guinsiliban, 6 gikan sa Sagay, ug 27 gikan sa Catarman. (VPSB/PIA10)
 

 



Source: Philippines Information Agency (pia.gov.ph)

Post a Comment

0 Comments