Cebuano News: SLP project giturn-over sa Nasipit

DAKBAYAN SA BUTUAN, Nobyembre 17 -- Gi turn-over ni Gobernador Dale B. Corvera uban ang mga personahe sa buhatan sa Department of Social Welfare and Development, ang mga proyekto ubos sa Sustainable Livelihood Program (SLP) ngadto sa walo ka asosasyon sa lungsod sa Nasipit, bag-ohay pa lamang didto sa Brgy. 7 gymnasium sa maong lungsod.

Mosumada 175 ka myembro sa walo ka asosasyon gikan sa Cubi-Cubi Negosyo Asenso, Hiniusang Kusog sa Aclan, Cassava Saging, Santa Ana Pangkabuhayan, BAE Cubi-Cubi TCT, Santa Ana Entrepreneurs, Women’s Agrivet, ug Barangay 5 SLP Association ang maka benipisyo niini nga mga proyekto.

Ang nasangpit nga mga proyekto mao ang Food processing, General Merchandise, Bangus Culture, Agrivet Supply, ug Tables, Chairs and Tent Rentals.

Tumong sa maong livelihood projects nga mahatagan og oportunidad nga mapa-uswag ang socio-economic ang sa vulnerable ug marginalize nga mga sektor sa maong lungsod.

“Ako maghinaot isip inyong gobernador, after 3 o 5 years makita nako nga niasenso na inyong grupo ug kamo usab nga mga myembro niini, ni asenso usab. Kay mao ni ang punto nga kab-oton nato,” matud pa ni Gob. Corvera.

Kaabag ang DSWD ug ang probinsya sa Agusan del Norte pinaagi sa Amomang Agusanon Project sa AGUSAN UP!, ang walo ka punto nga development agenda sa administrasyon. (Karen Decamotan, Agusan Up, LGU Agusan del Norte/PIA Agusan del Norte)

 



Source: Philippines Information Agency (pia.gov.ph)

Post a Comment

0 Comments