Cebuano News: P4M  diversion dam, gitugyan sa DA-7 ngadto sa mga mag-uuma sa Guindulman

MGA DIVERSION CANALS SAMA NIINI. Nagpatukod og diversion canals ang DA gikan sa Awihaw Dam sa Lombog Guindulman aron makaalagad pa sa panginahanglan sa patubig sa laing 20 ka ektaryas pa nga humayan didto sa tumong nga padaghanon pa ang ani ug kita sa mga mag-uuma. (PIA Bohol/PNA Photo) 

TAGBILARAN CITY, Nov. 13 (PIA)--May kasaligan ug malungtaron nang tubig sa irigasyon ang mga mag-uuma sa lungsod sa Guindulman, lalawigan sa Bohol.

Kini human gitugyan sa Department of Agriculture-Central Visayas (DA7) ning bag-o lang ang nakumpletong diversion dam (DD) ngadto sa mga farmer-beneficiaries sa Awihaw, barangay Lombog, lungsod sa Guindulman.

Ang nakadawat sa kantidad nga P4 milyong DD nga proyekto mao ang Awihaw Lombog Farmers Irrigators Association.

Ang DD gipaabot nga makahatag og suplay sa tubig sa mga 20 ektarya ka kabasakan sa Awihaw, Barangay Lombog, lungsod sa Guindulman.

Matud pa ni DA7 Regional Executive Director Atty. Salvador Diputado, ang Awihaw Diversion Dam Project usa  lamang sa 6 ka nagpadayong agri-infra nga proyekto ni DA Kalihim William Dar sa lungsod sa Guindulman nga nagkantidad sa kinatibuk-ang P71 milyon.

Kining proyekto naglakip sa laing kontraksyon sa  diversion dam sa nagkalain-laing lugar, 2 units sa Small Water Impounding Project, Solar Powered Irrigation System ug Farm-to-Market Road.

Ang bag-ong gitugyan nga diversion dam sa Lombog gipanglantawan nga makapadako sa produksoyn sa humany sa maong lungsod.

Si Guindulman Mayor Maria Fe Piezas mipahayag sa iyang pasalamat ngadto sa DA alang sa maong proyekto.

Ang pagtugyan gitambongan sa mga dagkong opisyal sa Bohol sama nilang 3rd District Congressman Kristine Alexie Tutor, 2nd District Congressman Aris Aumentado, Bohol Gob. Arthur Yap, kanhi Vice Mayor sa Garcia Hernandez Lito Dajalos, mga miyembro sa SB, mga opisyal sa barangay Lombog, ug ni Municipal Agriculturist Jeffrey Gulay. (ecb/PIA7-Bohol/DA7)



Source: Philippines Information Agency (pia.gov.ph)

Post a Comment

0 Comments